Type 6042
(formerly typ/4025)

Πάλιν δ’ ὁ Πρόκλος ἐξαποπτύει λόγους.
Ἐρεύγεται δὲ κομπασίφρονα ζάλην,
Θέλων διδάσκειν τῆς ἀλίμου τὸν τρόπον.
Ἀλλ’ οὐδὲν εἰδὼς ἀφριᾷ μάτην γράφων.
Ἀλλ’ αὐτὸς εἰπεῖν καὶ διδάσκειν καὶ γράφειν
Ἄκων προῆγμαι τοῖς κενοῖς τούτου κρότοις.
Σκίλλης τὸν ὄγκον, καὶ μαλάχης τοὺς κλάδους
Τεμὼν ἐν ὅλμῳ, συγκεράσας καὶ μέλι,
Καὶ σπῶν τι βραχὺ πρὸς τροφὴν τῶν μιγμάτων
Οὐκ ἂν πτοηθῇς τοῦ λιμοῦ τὸ πυρφόρον,
Εἰ συγκεράσαις ἀκριβῶς καὶ πρὸς τέχνην.
Εἰ δ’ οὐ, πρὸς Ἅιδην οὐ βραδὺς φανῇ τρέχων.
Σκίλλα γὰρ οἶδε τοὺς ἀτέχνους ὀλλύειν.
Εἰ δ’ αὐτὸν ἰὸν ἐξενέγκῃς ἐντέχνως,
Βράττων ἱκανῶς ἐν χύτραις μεθ’ ὑδάτων,
Ἔπειτα τερσήνειας αὐγαῖς ἡλίου,
Τεμών τε λεπτὰ συμφυράσαις σησάμῳ,
Μέλι τε μίξαις, καὶ τὸ μήκωνος δάκρυ
Πρὸς σταθμὸν, ὃν χρὴ, καὶ ποσὸν, καὶ πρὸς μέτρον,
Ὅπερ γινώσκων ἀκριβῶς, οὐχὶ γράφω,
Σμικροῖς ἐν ὄγκοις ἱκανὸν θρέψαις ὄχλον.
Editorial status Not a critical text
Person(s)
Poet
John Tzetzes (12th c.) - PBW: Ioannes/459/
Metre(s) Dodecasyllable
Subject(s)
Tag(s) Reference to content of the book
Bibliography
Number of verses 21
Occurrence(s)
Identification Vassis ICB 2005, 591: "Ioann. Tzetzes, Scholium in Hesiodum (Op. 780)"
Permalink https://dbbe.ugent.be/types/6042
Last modified: 2019-08-14.